Unglingadeildin Arnes

Unglingadeildin Arnes var stofnuð árið 2007. Deildin varð strax stór partur af björgunarfélagi Akraness. Það mæta um 20-30 unglingar í 9. og 10. bekk á fundi einu sinni í viku. Starfið er opið öllum á þessum aldri sem koma frá Akranesi (Brekkubæjarskóla og Grundaskóla) eða Hvalfjarðarsveit (Heiðarskóla).

Á fundunum fá krakkarnir að snerta á ýmsu tengt björgunarstörfum. Þar má nefna almenna útivist, spottavinnu, fyrstu hjálp, rötun, félagsfærni, samvinnu og svo mætti lengi telja. Hjá Björgunarfélagi Akraness starfa alla jafna 4-5 umsjónarmenn sem skipuleggja metnaðarfullt starf yfir árið. Þá er einnig farið í styttri og lengri ferðir yfir veturinn sem vekja alltaf mikla lukku.

Metnaðarfullt starf unglingadeildarinnar á ekki bara við um Akranes heldur um land allt og góð tengsl eru á milli eininga. Haldið er landsþing í upphaf hvers starfsárs þar sem umsjónarmenn sækja fundi og fræðslu til að geta boðið upp á sem besta umhverfið fyrir krakkana sem til okkar koma. Landsbjörg ræður til sín tengilið við unglingadeildir, unglingaráð og stjórnarstarf sérsniðið í kringum viðburði og þarfir unglingadeildanna.

Á síðustu árum hefur verið farið í skýra stefnumótun og regluverk er varðar unglingadeildarstarf björgunarsveitanna og erum við í Björgunarfélagi Akraness stolt að hafa átt tengilið í þeirri vinnu. Hápunktur ársins er síðan landsmót eða landshlutamót þar sem unglingadeildir hittast að sumri til, tjalda saman og eiga góðar stundir í leik og gleði.

Það ættu allir unglingar að geta fundið eitthvað við sitt hæfi innan raða björgunarsveitarinnar. Við fögnum fjölbreytileikanum og tökum öllum sem hafa áhuga opnun örmum.