Um unglingadeildina
Margar íslenskar björgunarsveitir starfrækja unglingadeild og hefur það margsannað sig að þessi starfsemi er ekki bara að skila betri einstaklingum út í lífið heldur líka inn í björgunarsveitir landsins. Það er líka mikilvægt í starfi sem þessu að áhuginn sé með frá upphafi og þjálfunin byrji snemma á ferlinum. Ekkert er betra en að koma inn í hús eftir strembið útkall vitandi það að góður grunnur og þekking hefur skilað sér í góðu dagsverki í almenna þágu.
Að þessu sinni verður boðið upp á starf í björgunarfélagi Akraness fyrir unglinga í 9. og 10. bekk.
Unglingadeildin Arnes stofnuð haustið 2006
Fyrsti fundur er sunnudaginn 9 september kl. 20:00.
Fjórir viðburðir verða í mánuði sem miða að því að kynna unglingunum fyrir starfi félagsins, gera þau hæfari fyrir ferðamennsku og kynna þau fyrir grundvallaratriðum útivistar.
Í hverjum mánuði er einn helgarviðburður og má þar nefna
* skíða/bretta- ferð,
* fyrstu hjálparnámskeið,
* gönguferðir, o.fl.
Þrjú stök kvöld þar sem farið er í
* sig og klifur,
* rötun,
* fyrstu hjálparæfingar,
* hnúta
* og margt fleirra sem nýtist unglingunum í björgunarsveit en einnig í lífinu sjálfu.
Vetrarstarfinu lýkur síðan með sex daga námskeiði í útivistarskólanum á Gufuskálum næsta sumar.
Björgunarfélag Akraness
- Kalmannsvöllum 2 - 300 Akranes
- 430-4500
- 849-7127
- 430-4501
- ba@bjorgunarfelag.is